廣州市南沙區村官面試經歷

地點：廣州市貿易職業高階中學（原廣州貿易服裝學校）

事件：參加廣州市南沙區公開招聘村官考試（筆試、面試）

事件回顧：十一月底廣州南沙區人事局公佈全國範圍內招考南沙村官既訊息，每個行政村招一名黨委書記助理或者村主任助理，總共招58個人，到報考截止日期為止，總共有1540人報名參加考試（筆試），按1：3比例進行面試，所以真正進入面試既系58*3=174人，從筆試到面試，已經從千幾人Kill到剩低174人蔘加19號既面試。好好彩，我通過咗筆試，但繫好唔好彩，我畀安排系最早果批，早上七點九之前要到考場報到，然後參加面試，顯然，呢個難度一D都唔比之前廣州公務員小，所以對於我嚟講，又系一個嚴峻既考驗！不過之前考公務員既時候已經系吃到苦頭，嘗試過趕車果種滋味了，所以今次準備既時候就充分D，主要系考前準備工作呢方面。

面試前一日，我一直系度聯絡緊，淋住系出邊考場附近搵個地方住，最好繫有同學系度，一個吭錢，另外一個有人陪，安全又唔會孤獨，但系因為呢個時間已經系放假了，好多同學都返晒屋企，所以一直搵唔到。搞到最後我仲淋住決定第日早上再次挑戰自己，一早起身然後去趕車過去，但好彩後來去車站問既時候，果個啊姨同我講話19號開始203同米果D專線車都停開了，聽到呢個訊息之後我先明白過來，要第日趕過去呢個已經系無可能做到既事了，所以唯有提前一晚系出邊搵地方住了。

搵唔到同學，只能夠住賓館或者酒店喇，但系打咗好多次電話，附近既7天同米128連鎖都已經爆晒棚了，而我對果邊又唔繫好熟，所以實在無辦法，只能向對果邊比較熟既同學求救，但到最後都無效。不過仲有一招，於是乎我就打電話到果間學校既辦公室度，然後問距地附近有無住既地方，果個接電話既啊姨都幾客氣既，同我講咗學校附近有間賓館，叫我過去果邊問下，應該有房既，所以我大概6、7點鐘既時候就自己一個人坐車過去果邊了。

都繫好好彩姐，我過到去果邊既時候，巖好剩低最後一間房，所以淋都無淋就住低了，果度過去考場真繫好近，行路既話幾分鐘就OK了，甘既話我就可以安心訓個好覺喇。不過果晚都幾慘下，一路系度訓都好似訓唔著甘，自己一個人系度，又有D驚驚地，所以就關咗燈，開住部電視系度，一路睇新聞一路訓，點知巖好睇到自己中意睇既節目，所以越睇越有精神，越睇越系訓唔著，好似覺得都未點訓到，自己之前調好既鬧鐘就響了，一睇，已經系早上六點了，暈......

今日就唔敢訓懶覺喇，習慣性甘關咗手機鬧鐘之後就爬返起身了，但系天氣凍到咩甘，哎，形勢所逼，無辦法喇，所以就開啟電視，一邊聽緊電視節目，一邊刷牙洗面，加埋穿著打扮下同埋食完早餐，全部準備好就已經系六點半了。淋住反正都嚟了，甘就早D過去喇，於是六點半左右就羅住個包行過去考場喇，出門既時候個天仲未完全光晒，好似系度摸黑甘，一路行過去，點知去到果邊既時候已經稀稀疏疏有幾個人系度等了，哎，一山還比一山高啊

果邊既黑板上邊寫住系8：30分先開始面試，前邊部分就係報到啊之類既，睇到呢個既時候我真系想返去再訓多陣啊，雖然成個人著到睇起身好精神甘，但系其實我都未訓醒伽，風又大，著住正裝又有少少凍，再加上又無咩地方可以坐休息既，所以我地都系傻梗梗甘系度距住等。又見唔到咩識得既人，真系無聊到頂啊，實在系忍唔到了，所以就唯有充分發揮自己既“牛皮筋”精神，隨便去搭訕喇，當然唔單止同女既喇，多數系男既，因為D女既實在系太矜持喇。之後既事就係一路響度傾計一路等時間咯，先後搭咗好多個，有個中大既，有個廣商既，有個華師既，仲有唔知咩學校既，呵呵

大概八點倒，D面試官都差唔多到齊了，我地就開始畀距地趕返入去個侯考室度，然後羅證件出嚟一個個甘核對，然後收我地既影印件資料，跟住就係叫我地關手機，放返入距地發既信封度，全部封存了，我地果時就真系變成咗“三無”人員了，乜都無，乾巴巴甘坐系度，不過好彩，我之前有先見之明，所以就帶咗本雜誌過去睇，所以時間先會無甘無聊。

面試順序系通過抽籤既方式定既，不過超嘿仔，居然畀我抽到最後一個，一個試室23個人，偏偏就畀我抽到23號，從睇到果個編號果刻開始，我就註定要無聊一個上晝了。雖然系侯考室入邊坐，但系都會覺得凍，加上又有少少緊張，所以就難免系度震震地喇。大概系八點七八既時候正式開始面試，從1號開始，我一直有留意同埋觀察，大概一個人10分鐘左右既時間，中途可能會有少少暫停甘喇。

雖然系村官招考，但系面試對好正式好嚴伽，我地系侯考室既時候繫有兩個監考人員系度睇住我地既，然後由其中一個引導我地去參加面試。我見到其它D人（考生）坐系度個個都好似好無奈甘，反正就好似坐監倉甘喇，特別繫到咗最後之後，個個都無晒熱情甘了。考試之前我偷偷甘去睇過一眼考場，入邊總共有九個人，採取包圍式既方式，考生張臺擺系中間，正對面有六個考官，一個主考官，旁邊仲坐住三個人，一個系計時間既，一個系監督既，仲有另外一個系做乜既就唔知了，D臺全部鋪晒紅布，搞到個陣形好正規好嚴肅甘，雖然無咩心理壓力，但系面對甘多人都會有少少緊張伽，尤其系第一次參加甘正式既面試既人。

差唔多到我既時候已經系中午12點幾了，成一點了，就為咗十分鐘既面試，等咗成六七個鐘頭，你話抵唔抵了？因為之前D人都走得差唔多了，所以後邊感覺就放鬆好多了，搞到後嚟未輪到我既時候我已經好似個監考官甘坐唔穩了，系侯考室周圍行，到處穩人傾計，傾到最後無晒人了，就穩果個監考官傾，一直傾到輪到我去參加面試果刻......

監考官幫我開咗考場既門，我好禮貌好熱情甘入咗去，同入邊所有既考官打招呼之後，就到果張臺度坐低，雖然話果時已經好放鬆了，但系當我一坐低既時候，尤其系講野既時候都系顯得有少少緊張，有少少興奮同埋激動呀，不過仲好，我發現入邊幾個考官都幾慈祥下，面帶笑容甘同我講野，所以我緊張既情緒就減輕咗好多了，成個過程應該都唔使十分鐘，距地將一張紙擺系我坐果張臺度，上邊分三個部分，每個部分有一題或者若干題相關既題目，然後叫我睇再思考下，然後用三分鐘時間回答，主考官一邊讀題我一邊睇，然後簡單思考下，就回答了，成個回答既過程當中，我之後先發現有D問題思考得唔夠深入，答得唔夠全面唔夠好，但系當時既情況根本就由唔到我去多淋，如果我係度淋好耐，可能會畀人地個錯覺，呢個人反應遲鈍，但系唔淋既話可能就會覺得呢個人講野唔經大腦，所以我只能夠取中喇，主考官考完果三條題之後就由另外一個副考官用白話同我對話，呢個我就唔驚，點講我既白話都有甘上下，所以呢方面感覺就比之前果部分好D，成個過程基本上都系我一個人響度講，距地只繫系度聽，有時候有人入黎講野，就唔點聽，搞到我都有D尷尬，甘多人唔知望住邊個好，但系我都系按自己既思維一直甘講落去了，全部時間應該都系十分鐘倒喇，至於結果喔，就唔敢猜測喇，我畢留好保守伽，唯有一邊等一邊求神拜佛喇，不過唔理點都好喇，呢個始終都系一個經歷嚟既，我已經有所收益喇，都唔可以話白費心機了，呵呵，結果應該好快出嚟啦，到時再同大家彙報咯，加油~